අන්තර් විද්‍යාපීඨ ගීතය

 ගුරු නාම කීර්ති යස හාර ධරා

ගුරු නාම කීර්ති ජය සංඛ ධරා

ගුරු නාම කීර්ති යස කිරුළු ධරා

ගුරු නාම කීර්ති යස හාර ධරා…//

සිසු භක්ති ප්‍රණාම මරිචි විරාජිත ශිල්ප ශාස්ත්‍ර විද්‍යා මිණි සාගර

ධීර වීර ප්‍රඥා ප්‍රදීප කරුණා නිධාන සෞභාග්‍ය ධරා

ගුරු නාම කීර්ති යස හාර ධරා…//

හංස රාජ උපමාන පුණ්‍ය ගුණ ක්ෂීර මාත්‍ර ජල මුක්ත සාරහර

යුක්ති ධර්ම චර්යාභිමාන ප්‍රියභාන ශක්ති සම්පත්ති ධරා

ගුරු නාම කීර්ති යස හාර ධරා…//

විද්‍යාපීඨ ගීතය

 සරසවි ගණිසුරු නැණ මඬලින් මිහි මඬලට පැමිණි අපේ

සොබාදහම් මව මහබඹුගෙන් ලද තිළිණය වඩන ඔපේ
සමන් දෙවිඳු කරුණා සිහිලැල්ලෙන් නැහැවී ගෙනෙන සැපේ
ජාතික අධ්‍යාපන විදු පීඨය නීති බැබලේ රුවන්පුරේ

දුලවා හේලි හෙලේ කිරීටවැ සව් සත් හල් මුදුනේ //

අඳුරු මකන සිසු ලොව ඇඳුරු විදුරු පහන දල්වන සොඳුරු//
නැණ පිල වෙයි මහරු අපේ මේ නැණ පිල වෙයි මහරු

දුලවා හේලි හෙලේ කිරීටවැ සව් සත් හල් මුදුනේ //

සහජා දස්කම් මතු කරවා වැඩදා පුරවැසියන් තනවා //
අපි වෙමු දැයට ගුරු අනාගත පරපුර තනන ගුරු

දුලවා හේලි හෙලේ කිරීටවැ සව් සත් හල් මුදුනේ ///